Новости Иконописной школы

08 сентября 2006 г.

По сложившейся традиции в начале каждого учебного года перед началом иконописания в мастерских Иконописной школы совершается водосвятный молебен. Особенностью молебна является то, что на нем преподаватели и студенты обращаются в молитве к святым иконописцам.

Далее в течении учебного года перед началом и после занятий иконописанием читаются тропари и кондаки особо чтимым святым иконописцам.

(на каждый день)

1)  Царю Небесный, гл. 6 или тропарь двунадесятаго праздника

     (в период попразднства).

2)  Тропарь Нерукотворенному образу, гл. 2

     (16 / 29 августа)

Пречистому Твоему образу покланяемся, Благий, просяще прощения прегрешений наших, Христе Боже: волею бо благоволил еси плотию взыти на Крест, да избавиши яже создал еси от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.

3)  Аще начинаем иконостас, или икону писати, чтем и сей тропарь о призывании помощи Духа Святаго пред началом всякого добраго дела, гл. 2

Творче и Создателю всяческих, Боже, дела рук наших, к славе Твоей начинаемая, Твоим благословением спешно исправи, и нас от всякаго зла избави, яко един всесилен, и человеколюбец.

4)  Тропарь святаго апостола и евангелиста Луки (I), гл. 5

     (18 / 31 октября)

Апостольских деяний сказателя, и Евангелия Христова светла списателя, Луку препетаго неисписанна суща Христове Церкви, песньми священными святаго апостола похвалим, яко врача суща, человеческия немощи, естества недузи и язи душ исцеляюща, и молящася непрестано за души наша.

5)  Тропарь преподобному Алипию Иконописцу (ок. 1114), гл. 8

      (17 / 30 августа)

Зраки изобразуя святых на дщицах, сих благодеяния спешно, яко искусен художник, всехвальне Алипие, написовал еси на скрижалех твоего сердца и сего ради, аки образ, Благолепне украшен, священства благодатию, аки златом,обложился еси от Христа Бога и Спаса душ наших.

6)  Тропарь преподобному Андрею Рублеву (до 1426),гл. 3

     (4 / 17 июля и 13/ 26 июля / в соборе святых Андроникова монастыря /)

Божественнаго Света нетварными лучами облистаемый, апостолам на Фаворе уподобился еси, преподобне  Андрее, и яко всех превосходя в премудрости зельне, Христа познал еси ипостасную премудрость и силу, и иконою честною  всему миру проповедал еси Троицу во единице, Творца Бога нашего, тою зловерие и безверие посрамил еси и демонов полки устрашил еси. Мы же со удивлением и радостию вопием ти: имеяй дерзновение ко Пресвятей Троице, моли спастися душам нашим.

(на каждый день)

1) Кондак Нерукотвореннаго образа, гл.2

    (16 / 29 августа)

Неизреченнаго и Божественнаго Твоего к человеком смотрения, неописанное Слово Отчее, и Образ неописанный, и Богописанный победителен ведуще неложнаго Твоего воплощения, почитаем того, лобызающе.

2) Аще окончили иконостас писати или икону, чтем и сей тропарь о получении прошения, и о всяком благодеянии Божии, гл. 4

Благодарни суще недостойнии раби Твои Господи, о Твоих великих благодеяниих на нас бывших. Славяще Тя хвалим, благословим, благодарим, поем, и величаем Твое благоутробие, и рабски любовию вопием Ти: благодетелю Спасе наш, слава Тебе.

3) Кондак святаго апостола и евангелиста Луки, гл. 2

(18 / 31 октября)

Истиннаго благочестия проповедника, и таин неизреченных ритора, звезду Церковную, Луку Божественнаго восхвалим: Слово бо его избра, с Павлом мудрым, языков учителя, Един ведый сердечная.

4) Кондак преподобному Алипию Иконописцу, гл.2

( 17 / 30 августа)

От юности Божественное в себе имея начертание, вдан был еси в научение иконнаго писания; и внегда небеси подобная Богородицы писашеся церковь, ты таможде пособствовал и видел еси Духа Святаго осияние, от Негоже приял еси чудес действо, яко иконы твоя чудотворяху, тем тя чтим и ублажаем, чудне Алипие.

5) Кондак преподобному Андрею Рублеву, гл.8

(4 / 17 июля и 13/ 26 июля / в соборе святых Андроникова монастыря /)

От юности к Божественней красоте устремляяся, чудный иконописец в земли Российстей был еси, и, богоносным твоим учителем поревновав, сиянием добродетелей украсился еси, преподобне Андрее, темже и явися Церкве нашея похвала и радование.